Kiungo mshambuliaji wa Yanga Pacome Zouzoua amewahakikishia mashabiki na wanachama kuwa kipindi hiki kigumu kitapita na watarejea katika ubora wao
Jana Yanga ilianza vibaya hatua ya makundi ya michuano ya ligi ya mabingwa ikikubali kipigo cha mabao 2-0 kutoka kwa Al Hilal kwenye mchezo ulopigwa uwanja wa Benjamin Mkapa
Pacome amesema msimu bado ni mrefu, vipigo mfululizo vimewapa somo na sasa watapambana kuhakikisha wanarejea katika ari ya ushindi
"Klabu inapita katika nyakati ngumu kwa kushindwa mfululizo, lakini niwahakikishie kuwa msimu ni mrefu sana na lazima tujifunze kutokana na vipigo vyetu na tutarejea tukiwa imara
"Si rahisi kwa mashabiki wetu kuvumilia mfululizo wa matokeo haya, hili tunalifahamu kwa sababu hatujazoea hali hii, lakini nawaahidi kuwa tutapambana kwelikweli"
"Tutapambana kama msimu uliopita ili kurudisha heshima ya klabu bora nchini. Tutarejea imara katika mechi zijazo, niamini. Tunashindwa pamoja na tunashinda pamoja," aliandika Pacome katika ukurasa wake wa mtandao wa kijami
Mchezo unaofuata kwa Yanga ni ligi kuu dhidi ya Namungo Fc ambao utapgwa Jumamosi, Novemba 30 katika uwanja wa Majaliwa
