Yanga inatarajiwa kuzindua jezi za Ligi ya Mabingwa, Novemba 20, Makao Makuu ya klabu Jangwani
Meneja wa Habari na Mawasiliano wa Yanga Ali Kamwe amesema jezi zitaanza kupatikana Makao Makuu ya klabu na maduka ya GSM kwa Tsh 50,000/-
Aidha Kamwe ametangaza viingilio vya mchezo wa ligi ya mabingwa dhidi ya Al Hilal ambao utapigwa Novemba 26 katika uwanja wa Benjamin Mkapa, saa 10 jioni
Viingilio VIP A ni Tsh 30,000/-, VIP B Tsh 20,000/-, VIP C Tsh 10,000/-, Machungwa na Mzunguuko ni Tsh 3,000/-. Mauzo ya tiketi yameanza leo kupitia mitandao ya simu
Kamwe amewataka mashabiki na wanachama wa Yanga kujitokeza kwa wingi uwanja wa Benjamin Mkapa ili kuipa hamasa timu yao
Kamwe amesema haijawahi kutokea Yanga ikapoteza mechi tatu mfululizo katika mashindano tofauti. Hii ni mechi ya kila Mwananchi kujitokeza kuongeza nguvu katika kuhakikisha ushindi unapatikana
