Ligi kuu ya NBC inaendelea leo ambapo mchezo mmoja utapigwa visiwani Zanzibar katika uwanja wa New Amaan Complex
Ni mchezo utakaozikutanisha timu mbili zilizojuu katika msimamo wa ligi, Singida Black Stars dhidi ya Yanga
Singida Black Stars watakuwa wenyeji wa mchezo huo utakaopigwa kuanzia saa 2:30 usiku
Kikosi cha Yanga kiliwasili Zanzibar mapema jana na usiku wakafanya mazoezi yao ya mwisho katika uwanja wa New Amaan Complex
Ni wazi itakuwa mechi ngumu itakayozikutanisha timu mbili bora zaidi kwenye ligi msimu huu
Singida BS wako kileleni mwa msimamo wa ligi wakikusanya alama 22 baada ya mechi nane, hawajapoteza mchezo, wakishinda mechi 7 na kutoka sare mechi moja
Wanakutana na Yanga ambayo ina rekodi ya ushindi wa asilimia 100 bila ya kuruhusu bao
Licha ya kukiri vijana wake wanakabiliwa na uchovu baada ya kucheza mechi 7 katika siku 21, Kocha Mkuu wa Yanga Miguel Gamondi amesema wanakwenda katika mchezo huo wakiwa na dhamira ya kusaka ushindi
Gamondi alisema anafahamu Singida BS wana timu nzuri lakini anaamini katika mbinu, ubora wa kikosi chake kumpa nafasi ya kushinda mchezo huo
