Pengine huu unaweza kuwa msimu bora zaidi kwa Yanga mpaka sasa na kama kasi hii itaendelea, Wananchi wajiandae kutafuta madaktari ya kuwatibu 'visukari' kwani raha zinaweza kuwaua
Ukimuuliza shabiki yeyote wa Yanga ni lini mara ya mwisho Yanga ilipoteza mchezo?
Pengine atahitaji kukaa chini na kuanza kukumbuka mechi nyingi zilizopita nyuma na atabaini ilikuwa Julai 20 Yanga ilipoteza mchezo dhidi ya Augsburg timu inayoshiriki ligi kuu ya Ujerumani (Bundesliga) katika michuano maalum ya pre-season, Mpumalanga International Cup
Tangu wakati huo Yanga, imecheza mechi 15 na kushinda zote. Imefunga mabao 39 huku ikiruhusu nyavu zake kutikiswa mara nne tu
Simba, Vital'o na CBE ndio timu zilizorudiwa vichapo mara mbili na kuwa vinara wa kufungwa na Yanga katika kipindi hiki cha miezi mitatu
Kuna rekodi ya kibabe kocha Miguel Gamondi na vijana wake wanaitafuta, msimu huu Yanga ina jambo lake..!
