Dube ana jambo lake na Simba

Mshambuliaji Prince Dube ndiye mchezaji hatari zaidi ambaye pengine Simba hawatamani kumuona katika kikosi cha Yanga kitakachoanza hapo kesho katika mchezo wa ligi kuu

Dube amekuwa na kawaida ya kupeleka kilio Msimbazi tangu alipokuwa akiitumikia Azam Fc

Katika mechi tano zilizopita ambazo Dube alikutana na Simba, amepachika mabao manne na kutoa pasi moja ya goli

Pasi ya goli aliitoa August 08 katika mchezo wa Ngao ya Jamii ambao Yanga iliibuka na ushindi wa bao 1-0 mfungaji akiwa Maxi Nzengeli

Katika mchezo huo Dube 'almanusra' afunge bao kama sio mpira aliopiga mapema katika kipindi cha kwanza kugonga mwamba

Dube amesema amekuwa na bahati ya kufunga katika mechi dhidi ya Simba, anaamini ataendelea kufunga