Kiungo wa Yanga Jonas Mkude amesema mechi ya dabi kwake ni kama mechi nyingine kitu pekee kinachotofautisha mechi hiyo ni upinzani wa jadi uliopo kati ya klabu za Yanga na Simba
Katika vikosi vya sasa vya Yanga na Simba, pengine Mkude ndio mchezaji aliyecheza mechi nyingi zaidi za dabi kwani kabla ya kutua Yanga aliitumikia Simba kwa zaidi ya miaka 12
Mkude amesema wakati wowote yuko tayari kucheza mchezo huo na kwake hauna tofauti na mchezo mwingine
"Mimi binafsi naona kawaida kucheza mechi ya dabi, sijajua mtazamo wa wale wanaosema mechi ya dabi ina presha kubwa"
"Kwa mashabiki hii ni mechi kubwa kwa sababu inazihusisha timu kubwa lakini kwa mchezaji ukubwa na uzito wa mchezo huu utategemea na vile wewe mwenyewe umejiandaa kiakili na utayari wako," alisema Mkude
Mkude ameshiriki mechi za dabi 33 na pengine Oktoba 19 atafikisha dabi ya 34
