Mtendaji Mkuu wa Yanga Andre Mtine amefurahia droo ya hatua ya makundi ya michuano ya ligi ya mabingwa barani Afrika Yanga ikipangwa kundi A
Yanga iko kundi A pamoja na timu za TP Mazembe, Al Hilal na MC Alger
Akizungumza baada ya droo hiyo iliyofanyika Misri jana, Mtine alisema Yanga ilipata kile ilichohitaji katika hatua ya makundi
"Nafuraha kwa sababu tumepata kile tulichohitaji. Nafikiri tuna nafasi ya kufanya vizuri katika kundi hili"
"Yanga tuna timu nzuri sana naamini tutakuwa na wakati mzuri katika michuano hii msimu huu," alisema Mtine
Akiizungumzia mechi mbili dhidi ya TP Mazembe ambazo Yanga watakabiliana nazo hatua ya makundi, Mtine alisema malengo ni kupata alama sita dhidi ya yao
"TP Mazembe ni familia yangu, lakini kwa sasa niko Yanga tunataka kuwafinga hapa nyumbani na kwao pia," aliongeza Mtine ambaye alifanya kazi na TP Mazembe kwa takribani miaka 12 kabla ya kutua Yanga
Mtine ameongeza kuwa msimu Yanga imeweka malengo makubwa katika michuano ya ligi ya mabingwa lakini kila jambo litafanyika hatua kwa hatua
"Kwanza tunahitaji kuhakikisha tunaingia robo fainali, baada ya hapo tutaweka mkakati mwingine wa kwenda nusu fainali na hatua nyingine zitakazofata," alisema
