Kabla ya kuelekea katika majukumu ya timu za Taifa, leo Yanga inakamilisha raundi ya nne ligi kuu ya NBC kwa mchezo dhidi ya Pamba Jiji. Mchezo huo unatarajiwa kupigwa saa 12:30 jioni
Hii ni mechi nyingine muhimu kwa Yanga kukusanya alama nyingine tatu kabla ya kuelekea mchezo dhidi ya watani, Simba Oktoba 19
Katika mechi mbili zilizopita, mijadala iliibuka kwa kuwa Wananchi walifunga bao moja kila mechi licha ya kuwa waliondoka na alama sita
Ni wazi leo wachezaji wa Yanga watashuka dimba la Azam Complex wakiwa na dhamira moja tu, kupata ushindi ambao utanyamazisha kelele huko mitandaoni
Ni mechi ya kuwakumbusha wale waliojisahau kuwa Yanga ndio timu bora nchini kwa sasa, mabingwa mara tatu mfululizo ligi kuu na kombe la FA
Timu pekee inayocheza hatua ya makundi ya michuano ya ligi ya mabingwa barani Afrika kwa ukanda wa CECAFA
Wananchi tukutane dimba la Azam Complex....!
