Ukiangalia 'ranking' za CAF kwa msimu huu 2024/25 Yanga inashika nafasi ya 13 ikiwa na alama 31 huku watani zao Simba wakiwa nafasi ya 7 wakiwa alama 39
Msimamo huo ukichukuliwa kwa msimu ujao yaani 2025/26 pasipo kujali matokeo ya msimu huu, Yanga itabaki na alama 24 na kusogea nafasi ya 12 huku watani zao Simba wakibaki na alama 28 na kusogea mpaka nafasi ya 6
Kama Yanga haitafuzu hatua ya makundi CAF CL itapoteza alama 7 wakati kama Simba watashindwa kufuzu hatua ya makundi CAF CC watapoteza alama 11
Lakini kama Yanga itaifunga CBE na kufuzu hatua ya makundi CAF CL wataongeza alama 5 na kufikisha alama 29 wakati watani zao Simba wakifuzu hatua ya makundi CAF CC wataongeza alama 2.5 na kufikisha alama 30.5
Yaani hadi kufikia Jumatatu pengine tofauti ya alama katika ranking za CAF kati ya Yanga na Simba inaweza kuwa 1.5 tu kama timu zote zitafuzu hatua ya makundi
Kama itatokea Yanga ikafuzu makundi halafu watani zao Simba wakashindwa kufuzu, itakuwa rasmi Yanga 'imefyeka kichaka' cha ranking za CAF!
Vyovyote itakavyokuwa msimu huu Yanga ina nafasi nzuri zaidi ya kukaa juu ya Simba katika ranking za CAF, kinachohitajika ni angalau kufika robo fainali kama msimu uliopita
Kama Yanga itafika robo fainali CAF CL, Simba watahitaji kufika nusu fainali CAF CC ili kupata alama sawa na Yanga
Ikitokea Wananchi wakavuka hadi nusu fainali basi Simba watahitaji kuwa mabingwa wa CAF CC ili kupata alama sawa na Yanga
