Mabingwa wa soka Tanzania Bara Yanga leo wako ugenini huko Ethiopia kucheza karata muhimu katika mkakati wa kutinga hatua ya makundi ligi ya mabingwa barani Afrika. Yanga inaumana na wenyeji wao CBE SA, mabingwa wa ligi kuu ya Ethiopia
Kikosi cha kocha Miguel Gamondi kitashuka dimba la Abebe Bikila majira ya saa 9 Alasiri wakiwa na dhamira moja, kusaka ushindi ili kujiweka katika mazingira mazuri kufuzu makundi katika mechi ya marudiano itakayopigwa dimba la Amaan visiwani Zanzibar wiki ijayo
Ni wazi haitakuwa mechi nyepesi, CBE SA hawakubahatisha kufuzu raundi ya kwanza kwani waliwatoa mabingwa Uganda SC Villa tena kwa kushinda ugenini na kulazimishwa sare nyumbani
Yanga ilitua Ethiopia juzi, wachezaji wamepata siku mbili za kufanya mazoezi pamoja na kuzoea hali ya hewa ambapo kwa sasa mvua zinaendelea kunyesha huko Addis Ababa
Habari njema kwa kocha Gamondi anakwenda katika mchezo huo akiwa na kikosi chake kamili
Wachezaji ambao walikuwa na majukumu ya timu za Taifa wote wamrejea wakiwa 'fit' tayari kwa mchezo huo
Kila la kheri Wananchi, kila la kheri mabingwa wa nchi....
