Akiitumikia timu ya Taifa ya Kenya, kiungo kiraka wa Yanga Duke Abuya jana aliifungia nchi yake bao muhimu katika ushindi wa mabao 2-1 dhidi ya Namibia
Mudathir Yahya nae akafanya kile alichofanya Abuya baada ya kifungia timu ya Taifa ya Tanzania 'Taifa Stars' bao la ushindi katika mchezo dhidi ya Guinea ambao Stars iliibuka na ushindi wa mabao 2-1
Lakini kule Zambia, Kennedy Musonda nae akaweka kambani bao muhimu kwa timu yake ya Taifa katika ushindi wa mabao 3-2 ambao Zambia waliupata nyumbani dhidi ya Sierra Lione
Mkufunzi wa Zambia Avan Grant aliwaanzisha nyota wawili wa Yanga Clatous Chama na Musonda katika mchezo ambao kama ulikuwa uamue hatma ya kocha huyo kuendelea kuifundisha Zambia
Nyota wote 14 waliokuwa timu za Taifa, wamekuwa na wakati mzuri kwani asilimia 90 wamepata nafasi ya kutumika
Wachezaji hao sasa wanarejea kwa ajili ya majukumu ya klabu kuelekea mchezo wa kuwania tiketi ya kutinga hatua ya makundi CAF CL dhidi ya CBE SA utakaopigwa Jumamosi, Septemba 14
