Mkurugenzi wa Sheria wa klabu ya Yanga Simon Patrick amehoji tukio la mchezaji kusaini katika timu mbili na kuruhusiwa kucheza mechi za ligi kinyume na maelekezo ya kanuni
Ujumbe wa Simon alioweka katika mtandao wa kijamii, umemlenga mchezaji Yusuph Kagoma ambaye amesaini klabu za Yanga na Simba
Yanga ilipeleka pingamizi Kamati ya Sheria na Hadhi za wachezaji ya TFF kuhoji uhalali wa mchezaji huyo kuitumikia Simba wakati akiwa alisaini mkataba halali wa kuitumikia Yanga
"Kanuni ya 41 (13) ya Kanuni za Ligi Kuu ya 2024/2025 inasema kuwa mchezaji atakayebainika kusaini mikataba na timu zaidi ya moja atafungiwa kucheza mpira ndani na nje ya nchi kwa kipindi cha mwaka 1 hadi 3"
"Kwenye ligi ya Cuba, kuna mchezaji mwenye mikataba miwili, na tayari ameshacheza mechi mbili za ligi. Tathmini ya haraka inaonyesha kuwa pale kanuni zinapozigusa timu, wadau wengi hukubaliana kwamba ni njia sahihi ya kukuza soka letu"
"Lakini zinapowagusa wachezaji, wadau hubadilika kuwa kama walezi au wazazi, wakisisitiza matumizi ya busara kwa hoja kwamba maisha ya mchezaji ni mafupi," alihoji Simon
