Ukweli ni kuwa Yanga haikuwa na ulazima wa kufufua sakata la usajili wa mchezaji Yusuph Kagoma ambaye alisaini Simba wakati akiwa pia amesaini mkataba halali wa kuitumikia Yanga
Lakini dharau, kejeli na kashfa kutoka Simba ni kama zimepelekea Yanga kumuwekea pingamizi mchezaji huyo
Yanga ilikamilisha usajili wa Kagoma muda mrefu, mwishoni mwa mwezi March 2024 ambapo ilimalizana na Singida FG kwa ajili ya kuwasajili pamoja na Nickson Kibabage
Kagoma alisaini mkataba halali wa kuitumikia Yanga ambapo makubaliano ya kimkataba ilikuwa malipo yake kukamilishwa Julai 01, Yanga walikamilisha kama mkataba ulivyoelekeza
Kilichotokea baada ya msimu kumalizika Kagoma akashawishiwa na watu wa upande wa pili ambao walimuhakikishia kupata nafasi ya kucheza katika kikosi cha kwanza hasa ikizingatiwa walikuwa wanaunda timu mpya
Bila ya kuzingatia makubaliano yake na Yanga, Kagoma akakubali kusaini Simba, huku viongozi wa timu hiyo hasa msemaji wao wakitoa kejeli kwa Yanga
Yanga ilimpa Kagoma nafasi ya kukiri kufanya kosa na kuomba radhi hadharani ili asamehewe aitumikie timu yake hiyo mpya
Lakini pia atalazimika kulipa fidia ya gharama ambazo Yanga ilitumia wakati inamsajili. Kamati ya Sheria na Hadhi za wachezaji ya TFF imemsimamisha mchezaji huyo hadi pale shauri lake litakapomalizika
Kagoma tayari ameitumikia Simba katika mechi mbili za ligi kuu hivyo kama itathibitishwa ni mchezaji halali wa Yanga maana yake ni kuwa Simba walimtumia mchezaji ambaye sio wao na hivyo wanapaswa kupoteza mechi zote mbili
