Wanasema usiku wa deni haukawii! hatimaye siku nyingine ya mtanange wa dabi ya Kariakoo kati ya Yanga dhidi ya Simba unapigwa leo katika uwanja wa Benjamin Mkapa
Ni mchezo wa nusu fainali ya Ngao ya Jamii ukiwa ni msimu wa pili wa mfumo mpya wa Ngao ya Jamii ambao unashirikisha timu nne
Baada ya msimu uliopita kupoteza ngao hiyo kwa Simba kupitia mikwaju ya penati, Kocha Miguel Gamondi hana kingine anachohitaji siku ya leo zaidi ya kushuhudia timu yake ikiibuka na ushindi
Licha ya ubora wa kikosi cha Yanga, Gamondi amesema mechi ya dabi lazima ipewe heshima kwa sababu haina mwenyewe
Hata hivyo, Gamondi amesema amekiandaa vyema kikosi chake vyema na kazi iliyobaki ni wachezaji kwenda kutafsiri kile walichofanya katika uwanja wa mazoezi
Kuelekea mchezo huo utakaopigwa saa 1 usiku, Yanga inakwenda ikiwa na kikosi chake kamili
Katika mechi mbili zilizopita kuzikutanisha timu hizo, Yanga imefunga mabao 7 huku watani zao wakifunga mabao 2
Msimu huu Simba wana mabadiliko mengi katika kikosi chao hivyo mchezo wa leo unaweza kuwa na taswira tofauti
Kabla ya watani kuchuana saa 1, mchezo wa mapema ni katika michuano hiyo ni kati ya Coastal Union dhidi ya Azam Fc
