Afisa Mhamasishaji wa Yanga Haji Manara leo amefichua kuwa ndani ya siku tatu tangu ilipozindua jezi, nakala zaidi ya laki tano zimeuzwa
Akizungumza katika Mkutano na Wanahabari mapema leo ambao waliufanya pamoja na Meneja wa Habari na Mawasiliano Ali Kamwe, Buggati aliwataka mashabiki wa Yanga kutembelea madukani kununua jezi zao ili kuhakikisha kila mmoja anakwenda kwenye kilele cha wiki ya Mwananchi siku ya Jumapili akiwa na jezi mpya
"Nimearifiwa tayari tumemaliza mzigo wote, kwa wasiofahamu tumeuza nakala zaidi ya laki tano za jezi. Hivyo kila Mwananchi ahakikishe anatembelea duka letu pale Makao Makuu ya klabu au Mawakala wetu kujipatia jezi yake"
"Tuhakikishe katika kilele cha Wiki ya Mwananchi kila mmoja anakuja akiwa amependeza na jezi mpya," alisema Manara
Yanga imefunga mauzo ya jezi za jumla na kuwataka wafanyabiashara kufika Makao Makuu ya Yanga kununua jezi zao kwa bei ya rejareja ambayo ni Tsh 45,000/-
