Fainali ya Toyota Cup inapigwa leo huko Afrika Kusini ambapo mabingwa wa soka Tanzania Bara Yanga watakuwa wageni wa Kaizer Chiefs
Ni mchezo maalum kwa Kaizer Chiefs kukaribisha msimu mpya wa mashindano yaani ni kama kilele cha Wiki ya Mwananchi
Msimu uliopita Kaizer Chiefs walialikwa na Yanga katika tukio kama hilo mchezo ukipigwa uwanja wa Benjamin Mkapa, Kennedy Musonda akifunga bao pekee la ushindi wa Yanga baada ya pasi ya Maxi Nzengeli
Chiefs wakavutiwa na tamasha hilo na hivyo nao kuandaa mwaka huu huku wadhamini wao Toyota wakinogesha kwa kuweka zawadi na kombe kwa timu itakayoshinda mchezo huo
Kwa Yanga huu ni mchezo muhimu ukiwa ni mwendelezo ya maandalizi kuelekea msimu ujao 2024/25 huo ukiwa mchezo wa tatu Yanga inacheza
Ni mechi inayotarajiwa kuwa na ushindani kwani inakutanisha makocha wawili 'wa Yanga'
Nasreddine Nabi alikuwaa kocha wa Yanga kabla ya kutimikia Morocco na msimu huu kujiunga na Kaizer Chiefs
Gamondi alitua Yanga baada ya Nabi kuondoka msimu uliopita, leo atataka kudhihirisha ubora wake mbele ya Nabi ambaye bado heshima yake inaishi Jangwani
Mchezo utapigwa saa 10 jioni
