Meneja wa Yanga Walter Harrison amesema kila mchezaji ambaye yupo kwenye kikosi cha Yanga kinachoendelea na maandalizi ya msimu mpya, atapata nafasi ya kucheza katika mechi wanazocheza huko Afrika Kusini
Jana Yanga ilifanya mazoezi maalum ya 'recovery' baada ya mchezo dhidi ya Ausburg ambapo Jumatano, Julai 24 Yanga itacheza mechi ya pili dhidi ya TS Galaxy
Walter amesema wanatarajia katika mchezo huo watawatumia wachezaji ambao hawakucheza mechi iliyopita dhidi ya Ausburg
"Leo (jana) tumefanya mazoezi ya aina tofauti kwa wachezaji waliocheza mechi dhidi ya Ausburg na wale ambao hawakucheza kabisa"
"Tunatafuta uwiano kuona vile tunaweza kuwatumia wachezaji ambao hawakupata nafasi katika mchezo uliopita lengo ni kuwa na usawa wa dakika ambazo kila mmoja ambaye tumekuja nae hapa anacheza," alisema Walter
Mchezo dhidi ya TS Galaxy hautaonyeshwa 'mbashara' na pia hautakuwa na mashabiki lakini Wananchi wataonekana tena 'live' Julai 28 katika mchezo wa Toyota Cup dhidi ya Kaizer Chiefs
