Boka aumia nyonga

Mlinzi wa kushoto wa Yanga Chadrak Boka jana alishindwa kumaliza mchezo dhidi ya Ausburg baada ya kupata majeraha ya nyonga

Boka aliingia katika kipindi cha pili kuchukua nafasi ya Nickson Kibabage hata hivyo Kocha Miguel Gamondi alilazimika kufanya mabadiliko ya lazima kwa kumuingiza Shekhan Khamis baada ya Boka kushindwa kuendelea na mchezo

Meneja wa Habari wa Yanga Ali Kamwe amesema Boka alipata majeraha ya misuli ya nyonga, madaktari wanatarajiwa kumfanyia vipimo zaidi kubaini ukubwa wa jeraha hilo

Boka alisajiliwa na Yanga katika dirisha hili la usajili akitokea klabu ya Fc Lupopo ya DR Congo

Alichukua nafasi ya Joyce Lomalisa aliyetimkia Angola katika klabu yake ya zamani, Sagrada Esperanca