Mabingwa wa Tanzania Bara Yanga wako Afrika Kusini ambapo leo majira ya saa 10 jioni kwa saa za Tanzania, watashuka uwanja wa Mbombela huko Mpumalanga kuikabili Augsburg Fc katika mchezo wa ufunguzi michuano ya Mpumalanga International's Cup
Hii n michuano maalum ya pre-season inayoshirikisha timu nne, Yanga na Augsburg inayoshiriki ligi kuu ya Ujerumani maarufu Bundesliga ni timu zilizoalikwa
Huo utakuwa mchezo wa kwanza wa pre-season kwa Kocha Miguel Gamondi na kikosi chake kilichoanza maandalizi Julai 08 pale Avic Town
Ukimuondoa Pacome Zouzoua, nyota wote waliosafiri Afrika Kusini na kikosi cha Yanga wako tayari kwa mchezo huo
Suala la Pacome lilitolewa ufafanuzi na Yanga ambapo nyota huyo alipewa ruhusa ya kurejea kwao Ivory Coast kushughulikia masuala ya kifamilia. Pacome ataungana na Yanga Julai 24 hukohuko Afrika Kusini
Pamoja na kuwa mechi ya pre-season, nyota wa Yanga wamepania kuonyesha ubora wao mbele ya wajukuu hao wa Hitler
Itakuwa heshima kubwakwa Yanga kama wataibuka na ushindi dhidi ya timu inayoshiriki Bundesliga
Aidha ushindi kwa Yanga leo utapelekeka salamu wengine kuwa wafahamu msimu huu Yanga ina jambo lake Kimataifa
