Jana usiku Yanga ilitambulisha usajili wa winga Duke Abuya aliyetua kutoka klabu ya Singida Black Stars
Abuya ni pendekezo la Kocha Miguel Gamondi akiamini winga huyo raia wa Kenya ataongeza ubora katika safu yake ya ushambuliaji kutokea pembeni
Ujio wa Abuya unamaanisha winga Skudu Makudubela safari yake na Yanga imeishia hapo
Skudu alijiunga na Yanga msimu uliopita akitokea Marumo Gallants. Ushindani wa nafasi katika kikosi cha kwanza ulimfanya asionekane mara kwa mara uwanja
Abuya ni winga wa tofauti kwani licha ya kushambulia, anaweza kuisaidia timu pale inapokuwa haina mpira
Abuya anakuwa mchezaji wa sita kusajiliwa na Yanga katika dirisha hili baada ya Aboubakar Khomein, Chadrack Boka, Aziz Andambwile, Clatous Chama na Prince Dube
Aidha Yanga tayari imesajili nyota wanne wa kigeni huku ikiwa imetangaza kuachana na Augustine Okrah, Joyce Lomalisa na Joseph Guede akijiunga na Singida BS
Skudu na Gift Fred nao wanaweza kuungana na wachezaji waliopewa mkono wa kwaheri
Bado Yanga haijamtambulisha mshambuliaji Jean Baleke ambaye tayari amekamilisha taratibu zote za kujiunga na Yanga
