Baada ya kufanikiwa kumrejesha Kocha Edna Lema 'Mourinho' uongozi wa Yanga umempa Lema jukumu la kusimamia usajili wa Yanga Princess, imefahamika
Katika misimu miwili iliyopita, Yanga imetumia gharama kubwa katika kuiboresha Yanga Princess kwa kusajili nyota wengi kutoka nje ya nchi lakini mafanikio yaliyopatikana ni kumaliza katika nafasi ya tatu
Urejeo wa Lema huenda ikawa tiba hasa katika kutambua wachezaji sahihi wa kusajiliwa kutokana na uzoefu wake katika soka la Wanawake
Katika msimu wake wa mwisho kuinoa Yanga Princess, kikosi chake kilimaliza nafasi ya pili wakipitwa alama moja tu na Simba Queens waliotwaa ubingwa
Msimu ujao, Yanga Princess inapaswa kuwa katika mbio za kuwania ubingwa, Lema atakuwa na kazi ya kuhakikisha hilo linawezekana huku akipata sapoti kutoka kwa uongozi wa Yanga
