Kiungo mkabaji na nahodha wa Wakiso Giants ya Uganda, Hassan Ssenyonjo anatarajiwa kuwa sehemu ya kikosi cha Yanga kitakachoibakili Safari Champions katika mchezo maalum wa kirafiki utakaopigwa Jumamosi, Juni 29 katika uwanja wa Benjamin Mkapa
Eneo la kiungo cha ukabaji ni moja ya maeneo ambayo Yanga inatarajiwa kuimarisha Kocha Mkuu wa mabingwa hao wa nchi Miguel Gamondi akihitaji kuimarisha eneo hilo
Kwa mujibu wa taarifa, kiungo huyo anatarajiwa kutua leo kwa ndege ya Uganda kisha ataungana na nyota wengine wa Yanga kwa ajili ya mchezo huo utakaopigwa Jumamosi usiku
Gamondi amehitaji kumshuhudia mchezaji huyo licha ya kuhakikishiwa anakidhi mahitaji ya Yanga. Kama ataridhika nae ni wazi atapewa mkataba na pengine kumuondoa Mganda mwenzake, beki Gift Fred ambaye anaweza kutolewa kwa mkopo
Meneja wa Habari na Mawasiliano klabu ya Yanga Ali Kamwe amesema taarifa rasmi kuhusu kikosi cha Yanga kwa ajili ya msimu wa 2024/25 zitaanza kutolewa Jumatatu
