Ni suala la muda tu, Yanga itamtambulisha mlinzi mpya wa kushoto Chadrack Boka aliyetua kwa Wananchi akitokea klabu ya Fc Lupopo ya DR Congo
Boka ni usajili wa kwanza kukamilishwa na Yanga katika dirisha hili la usajili ambalo limefunguliwa rasmi Juni 15
Nyota huyo anasubiri kusajiliwa kwenye mfumo wa usajili wa FIFA Connect ambapo msemaji wa Yanga Ali Kamwe jana alithibitisha kuwa tayari klabu hiyo imelipa madai yote yaliyokuwa yaamefunguliwa na wachezaji wao wa zamani na hivyo wakati wowote timu itafunguliwa kusajili
Boka tayari amepatiwa program maalum ya mazoezi na Kocha Miguel Gamondi ambayo anapaswa kuikamiilisha kabla ya kujiunga rasmi na Yanga katika pre-season
"Kocha amenipigia, akanikaribisha kwenye timu, ameniambia anataka nikaonyeshe uwezo mkubwa ndani ya Yanga kwa upande wa beki wa kushoto, ameniambia nijiandae kwa ushindani kwani ubora wangu ndio utakaonipa nafasi kwa kuwa wapo wachezaji wazuri pia wanacheza eneo hilo"
"Akaniambia kuna msaidizi wake atanipigia kunipa programu ya mazoezi kipindi hiki ligi imemalizika na nitatakiwa kuifuata sawa sawa na kama sitafuata nitaanza kazi kwa adhabu"
"Nimefurahia sana mazungumzo na kocha yamenifanya nijipange vizuri zaidi kwa kuona kuwa na kwenda kufanya kazi na timu yenye kocha mkubwa anayetaka mafanikio lakini zaidi ameniheshimu kwa kuwasiliana na mimi kwanza," Boka alinukuliwa na gazeti la Mwanaspoti
