Wanachama na mashabiki wa Yanga leo watashuhudia tukio la uzinduzi wa kitabu chao chenye historia mbalimbali
Meneja wa Habari na Mawasiliano klabu ya Yanga Ali Kamwe amesema ni tukio la kihistoria kwa Yanga kuzindua kitabu kilichosheheni taarifa muhimu za klabu hiyo tangu kuundwa kwake mwaka 1935
"Ni jambo la kihistoria tunakwenda kufanya Yanga ni klabu yenye miaka 89 na kuna mengi ambayo wanachama na mashabiki wanahitaji kuyajua kazi hii tumeanza kuifanya miezi saba iliyopita na safari hii hatujaacha chochote"
"Mashabiki na Wanachama wanahitaji kupata kile kilicho bora na tunaamini kupitia hiki kitabu kuna simulizi nyingi nzuri watakutana nazo ambazo zinaeleza namna ilivyokuwa tangu awali mpaka sasa," alisema Kamwe
Msimu uliopita Yanga Ilizindua Makala yao 'Documentary' iliyoelezea matukio muhimu ya klabu ya Yanga kwa msimu wa 2022/23
Mdhamini na Mfadhili wa Yanga GSM, ni miongoni mwa watu mashuhuri walioalikwa katika hafla hiyo inayofanyiika Hyatt Regency jijini Dar es salaam
Mgeni rasmi ni Mh Doto Biteko, Naibu Waziri Mkuu ambaye pia ni Waziri wa Nishati
