Klabu ya Coastal Union imekamilisha usajili wa mlinzi wa zamani wa Yanga Djuma Shabani 'Soldier ya Bemba'
Djuma anajiunga na Coastal Union akiwa mchezaji huru baada ya kukaa msimu mzima pasipo kuwa na timu
Baada ya misimu miwili ya mafanikio na Yanga, Djuma na Yannick Bangala 'wakatikisa kiberiti' kwa uongozi wa Yanga wakitaka kuvunja mikataba yao
Baada ya mvutano wa ndani kwa ndani, hatimaye uongozi wa Yanga ukaridhia wachezaji hao kuondoka lakini kwa kufuata utaratibu
Azam Fc ambao walikuwa wakiwashawishi nyuma ya pazia, wakajitokeza hadharani na kuwanunua wachezaji wote wawili Yanga ikipokea kitita cha Tsh Milioni 200
Yanga iliridhia wachezaji hao kuondoka baada ya ripoti ya Nasreddine Nabi, aliyekuwa mkufunzi wa Yanga wakati huo kupendekeza kwa uongozi kuachana nao
Bahati mbaya kwa Djuma akashindwa kuitumikia Azam Fc baada ya dirisha la usajili kufungwa kabla ya mchakato wake wa usajili kukamilika
Azam Fc walimuahidi watamuongeza katika usajili wa dirish dogo hivyo akaendelea kujifua na timu hiyo
Hata hivyo dirisha dogo lilipofungulia Azam FC wakamgeuka baada ya kocha wao kutoridhishwa na kiwango chake
Djuma ni kama anakwenda kuanza upya Coastal Union, bila shaka kuna somo amejifunza..!
