Baada ya kukamilisha mechi ya mwisho msimu huu wa Ligi Kuu kwa kufunga bao na kutoa assist katika mchezo dhidi ya Tanzania Prisons jana, mshambuliaji Kennedy Musonda amesema sasa wanaelekeza nguvu katika mchezo wa fainali kombe la Shirikisho la CRDB dhidi ya Azam Fc ambao utapigwa Jumapili, Juni 02 katika uwanja wa Amaan Complex, Zanzibar
Musonda amehitimisha msimu akiwa na mabao matano, sio takwimu bora sana kwa mshambuliaji wa kariba yake lakini amekuwa mchezaji muhimu katika kikosi cha Kocha Miguel Gamondi hasa kwenye zile mechi kubwa
"Tumemalizana na ligi sasa mawazo yetu ni kwenye kombe la FA. Tunahitaji sapoti yenu Wananchi tukutane Zanzibar"
"Pia nichukue nafasi hii kumpongeza rafiki yangu Aziz Ki kwa kuibuka mfungaji bora wa ligi kuu msimu huu, najivunia kucheza nae katika timu moja," aliandika Musonda katika ukurasa wake wa mtandao wa kijamii
Musonda aliasist moja ya mabao yaliyofungwa Aziz Ki jana katika mchezo dhidi ya Prisons ambao Yanga ilishinda mabao 4-1, Aziz Ki akifunga hat-trik na kufikisha mabao 21 yaliyompa tuzo ya mfungaji bora
