Dakika 120 za kibabe zimemalizika uwanja wa Sheikh Amri Abeid kwa Yanga kuibuka na ushindi wa bao 1-0 dhidi ya Ihefu Fc na kutinga fainali ya michuano ya kombe la Shirikisho la CRDB
Stephane Aziz Ki alifunga bao pekee la Yanga katika dakika 30 za ziada baada ya dakika 90 mchezo huo kumalizika kwa suluhu ya bila kufungana
Ilikuwa krosi kutoka winga ya kulia iliyochongwa na Pacome Zouzoua ikitendewa haki na Aziz Ki ambaye kabla ya kufunga bao hilo alipoteza nafasi mbili za wazi
Ulikuwa mchezo ambao kwa hakika una hadhi ya nusu fainali lakini ubora wa Yanga ukaamua matokeo
Yanga sasa inakwenda kuchuana na Azam Fc katika mchezo wa fainali utakaopigwa mwanzoni mwa Juni 2024
Ni marudio ya fainali ya msimu uliopita, Yanga ikibeba kombe kwa ushindi wa bao 1-0
