Baada ya Azam Fc kutangulia fainali ya kombe la Shirikisho la CRDB kwa ushindi wa mabao 3-0 dhidi ya Coastal Union, mechi ya pili ya nusu fainali kati ya Yanga dhidi ya Ihefu Fc inapigwa leo katika uwanja wa Sheikh Amri Abeid, Arusha
Wakiwa mabingwa watetezi wa michuano hiyo kwa misimu miwili mfululizo, Yanga inasaka rekodi ya kutinga fainali ya tatu mfululizo na pengine kubeba taji kwa mara ya nne tangu kuanzishwa kwake
Hata hivyo Wananchi leo wanakabiliwa na timu ngumu ya Ihefu Fc ambayo mara nyingi sio wepesi wanapocheza na Yanga licha ya kubugizwa mabao 5-0 mara ya mwisho timu hizo zilipokutana katika ligi kuu ya NBC
Yanga tayari ni mabingwa wa ligi kuu hivyo nguvu zote zimeelekezwa katika kuhakikisha wanabeba na taji la FA
Kitendo cha Azam Fc kutinga fainali hapo jana ni kama kimewaongezea 'mzuka' Wananchi kuhakikisha wanashinda leo dhidi ya Ihefu Fc na kukutana tena na Azam Fc katika fainali kama msimu uliopita
Wananchi wana deni na Azam Fc wakikumbuka kipigo cha mabao 2-1 mara ya mwisho timu hizo zilipokutana kwenye ligi
Mchezo utapigwa saa 9:30 Alasiri...!
