Mshambuliaji wa Yanga Clement Mzize ndiye kinara wa ufungaji katika michuano ya kombe la Shirikisho la CRDB Bank
Akiwa amecheza mechi zote nne za Yanga kuanzia hatua ya awali, Mzize amepachika mabao matano
Kuelekea mchezo wa nusu fainali dhidi ya Ihefu Fc utakaopigwa Jumapili, May 19 katika uwanja wa Sheikh Amri Abeid mkoani Arusha, Kocha wa Yanga Miguel Gamondi huenda akaendelea kumuamini Mzize kuongoza safu yake ya ushambuliaji katika michuano hiyo
Pengine itakuwa nafasi kwake kuzidi kujiwekaa katika nafasi ya kuibuka mfungaji bora katika michuano hiyo
Msimu huu Yanga huenda ikatawala katika tuzo kwenye kila eneo kwani imefanya vizuri katika kila eneo
Kwenye Ligi Kuu ya NBC Stephane Aziz Ki anawania ufungaji bora akichuana na Feisal Salum wote wakifunga mabao 15
Aziz Ki pia anaongoza kwenye assist akiwa nazo nane sawa na Kipre Junior wa Azam Fc
Mlinda lango Djigui Diarra anachuana na Vumi Ley Matampi wa Coastal Union katika kuwania tuzo ya kipa bora wote wakiwa na 'cleensheet' 13
Ukizungumzia kocha bora jina ni moja, Miguel Gamondi ambaye ameiongoza Yanga kutwaa ubingwa ligi kuu huku ikiwa na mechi tatu mkononi
