Kocha Mkuu wa Yanga Miguel Gamondi amewapongeza wachezaji wake kwa ushindi wa mabao 2-1 dhidi ya Simba na kujiweka katika nafasi nzuri ya kutetea ubingwa kwa msimu wa tatu mfululizo
Gamondi amedokeza kuwa haikuwa kazi rahisi kupata ushindi katika mchezo huo kwa kuzingatia uligubikwa na matukio mengi ya nje ya uwanja
"Kiwango cha daraja la juu kutoka kwa kundi hili la wachezaji na ujasili wa kupambana na mambo ya nje ya uwanja yaliyofanywa na wapinzani wetu wakati wa maandalizi kuelekea mchezo huu"
"Changamoto katika vyumba vya kubadilishia nguo, waamuzi, lakini katika mpira wa miguu kitu muhimu ni kucheza uwanjani na kwa hakika katika eneo hilo sisi ni bora"
"Hongera sana wachezaji, viongozi pamoja na Wananchi wote," aliandika Gamondi katika ukurasa wake wa mtandao wa kijamii
Jana Yanga ililazimika kutoingia katika vyumba vya kubadilishia nguo baada ya kubainika kuna dawa imepuliziwa katika vyumba hivyo
Maafisa waliosimamia mchezo waliiruhusu Yanga kutotumia vyumba hivyo baada ya kujiridhisha uwepo wa harufu kali ya dawa tofauti na vyumba walivyotumia Simba
Mwamuzi wa kati Ahmed Arajiga alifanya kazi nzuri kwa sehemu kubwa ya mchezo huo lakini zipo nyakati maamuzi yake yalikuwa ya utata
Rafu nyingi zilionekana upande wa Yanga tu lakini pia ziliongezwa dakika 5 baada ya dakika 90 lakini mechi ilichezwa kwa dakika 8 zaidi
Katika dakika za majeruhi lipo tukio la Ibrahim Bacca kufanyiwa madhambi na Sadio Kanoute lakini akaamuru ipigwe kona kuelekea Yanga
Kabla ya mchezo zilienea tuhuma baadhi ya wachezaji kupigiwa simu kushawishiwa kwa fedha ili wacheze chini ya kiwango
Lakini jeshi la Wananchi lilikuwa imara kuhakikisha linaendeleza ubabe dhidi ya watani zao
