Katika mechi iliyopita, Maxi Nzengeli alikuwa na nafasi ya kuifikia rekodi ya Mzee Abdallah Kibadeni ambaye ni mchezaji pekee aliyewahi kufunga mabao matatu 'hat-trik' katika mechi ya derby ya Kariakoo
Akiwa tayari amepachika mabao mawili, wengi walitamani Maxi apige mkwaju wa penati ambayo Yanga waliipata katika dakika za majeruhi
Lakini Pacome Zouzoua akapewa jukumu la kupiga penati hiyo na kukamilisha utatu wa MAP kufunga katika mchezo ambao Yanga iliibuka na ushindi wa mabao 5-1
Bila shaka leo tena Maxi atakuwepo uwanjani katika mchezo utakaopigwa saa 11 jioni, Yanga ikiwa mwenyeji
Kama atafunga, Maxi ataingia katika rekodi ya wachezaji waliofunga mabao matatu katika mechi tofauti za derby
Mcongomani Fiston Mayele aliyeitumikia Yanga kwa misimu miwili ni miongoni mwa wachezaji walioifunga Simba mara tatu katika misimu ya karibuni
Stephane Aziz Ki ana mabao mawili kama ilivyo kwa Maxi, nae ana nafasi ya kuongeza idadi yake ya mabao
Wakati yuko Asec Mimosas Aziz Ki pia aliifunga Simba mabao mawili na jumla kuwa amewafunga mabao manne
Akiwa kinara wa mabao ligi kuu ya NBC (14), Aziz Ki leo huenda ataongeza namba ya mabao yake na kujiweka katika nafasi nzuri ya kuibuka mfungaji bora
