Ukisikia mechi kubwa, mechi ambayo wachezaji wanaitaka basi mechi ya leo Yanga ikichuana na Mamelodi huko Afrika Kusini ni moja ya mechi hizo
Ukiona mpaka wachezaji wanaahidi kutoa zawadi kwa wenzao kama watafanya vizuri basi hiyo inaonyesha ni kwa kiasi gani wamedhamiria kushinda na kuandika historia ya kutinga nusu fainali
Kuna bonas ziliahidiwa na uongozi wa Yanga, GSM bila kusahau goli la Mama. Nyota Stephane Aziz Ki yeye ameahidi kutoa Tsh Milioni 1 kwa kila mchezaji atakayefunga bao katika mchezo huo leo
Aziz Ki hakuishia hapo, pia ameahidi kutoa Tsh Milioni 1 kwa safu ya ulinzi na golikipa kwa pamoja kama watahakikisha hakuna bao Mamelodi wanafunga leo
Hii ni mechi ya wachezaji hii ni mechi ambayo wachezaji wa Yanga wanaitaka heshima katika soka la Afrika
Baada ya msimu uliopita kucheza fainali ya kombe la Shirikisho na kukosa taji hilo kwa kanuni ya bao la ugenini, msimu huu wanataka kusahihisha makosa kupitia ligi ya mabingwa
