Achana na bonus ambayo uongozi wa Yanga uliwaahidi wachezaji endapo wataiondosha Mamelodi Sundowns na kutinga nusu fainali ya ligi ya mabingwa barani Afrika, Mfadhili/Mdhamini wa Yanga GSM ameongeza Tsh Milioni 100 kwa kila bao ambalo Yanga watafunga Afrika Kusini hapo kesho
Ikumbukwe thamani ya bao moja la Yanga katika mchezo huo itakuwa sawa na mabao mawili ya Mamelodi Sundowns hivyo kadiri Yanga itakavyofunga mabao mengi ndivyo itajiwekea nafasi nzuri ya kutinga nusu fainali
Lakini pia bonus ya goli la Mama kuanza hatua ya robo fainali ni Tsh Milioni 10, hivyo thamani ya kila bao ambalo Yanga wataifunga Mamelodi Sundowns hapo kesho ni Tsh Milioni 110
Morali ya wachezaji wa Yanga kuelekea mchezo huu iko juu na hii inakuonyesha ni kwa kiasi gani wachezaji wamepania kuiondosha Sundowns katika uwanja wao
Ushindi au matokeo yoyote ya sare kwa Yanga yatatosha kuwavusha Wananchi hatua ya nusu fainali
