Kocha Mkuu wa Yanga Miguel Gamondi amewapongeza wachezaji wake licha ya kukosa ushindi dhidi ya Mamelodi Sundowns katika mchezo wa mkondo wa kwanza robo fainali ligi ya mabingwa uliomalizika kwa matokeo ya 0-0
Gamondi amesema wachezaji wake walitekeleza vyema mpango wa kimbinu walioingia nao katika mchezo huo na walikuwa na nafasi nzuri zaidi ya kushinda
"Nawapongeza wachezaji wangu haikuwa mechi rahisi hata kidogo. Kwa maoni yangu Mamelodi Sundowns ndio klabu bora barani Afrika kwa sasa"
"Ni lazima tuwaheshimu kwa ubora walionao na ndio maana hata mkakati wetu wa mechi ulibadilika"
"Tulikuwa na nafasi nzuri zaidi ya kufunga lakini hatukutimia vyema nafasi, jambo muhimu hatukuruhusu kufungwa bao nyumbani"
"Tutakwenda Afrika Kusini kupambana kusaka nafasi ya kuingia hatua ya nusu fainali," alisema Gamondi
Katika mchezo huo Yanga ilipiga mashuti saba huku manne yakilenga lango (on target). Kulikuwa nafasi mbili bora zaidi ambazo kama Kennedy Musonda na Clement Mzize wangeongeza umakini, wangeifungia Yanga
Mamelodi Sundowns walipiga mashuti 10 lakini ni mawili tu yaliyokuwa 'on target'
Katika mechi nne za robo fainali ni mechi moja tu ambayo Al Ahly waliichapa Simba bao 1-0, mechi nyingine tatu zimemalizika kwa matokeo ya 0-0
