Mpaka sasa Yanga ina uhakika wa kupata huduma ya baadhi ya wachezaji ambao walikuwa majeruhi baada ya afya zao kuimarika
Mchezaji pekee ambaye bado yuko chini ya uangalizi maalum ni mlinzi wa kulia Yao Kouassi aliyepata majeraha katika mchezo uliopita ligi kuu dhidi ya Azam Fc
Mtaalam wa tiba ya viungo Youssef Ammar ndiye aliyepewa jukumu la kuhakikisha Yao anarejea dimbani mapema ikiwezekana awahi mchezo dhidi ya Mamelodi utakaopigwa Jumamosi ijayo katika uwanja wa Benjamin Mkapa
Baada ya kupambana kumrejesha Khalid Aucho, matumaini ni makubwa upande wa Yao nae anaweza kurejea ndani ya wakati na kuiwahi Mamelodi
Nyota wengine waliokuwa majeruhi ambao tayari afya zao zimeimarika ni Kibwana Shomari na Zawadi Mauya ambao wote wanatarajiwa kurejea mazoezini leo
Yanga inarudi kwenye uwanja wa mazoezi Bandari leo kuendelea na maandalizi ya kuikabili Mamelodi Sundowns katika mchezo wa mkondo wa kwanza robo fainali ya ligi ya mabingwa barani Afrika
