Kiungo mshambuliaji wa Yanga Pacome Zouzoua amewaomba radhi Wanachama na Mashabiki wa timu hiyo kufuatia kupoteza mchezo wa ligi kuu dhidi ya Azam Fc uliopigwa uwanja wa Benjamin Mkapa jana
Pacome ambaye alishindwa kumaliza mchezo huo baada ya kupata majeraha katika dakika ya 30, alisema haikuwa dhamira yao kupoteza mchezo huo lakini anatambua ndio matokeo ya mpira wa miguu
"Tunawaomba radhi mashabiki wetu baada ya kupoteza mchezo dhidi ya Azam Fc. Hii ndio radha inayofanya mpira wa miguu kuvutia"
"Tulishinda mechi iliyopita lakini mechi hii tumepoteza. Tutarejea tukiwa imara zaidi ili kupigania ubingwa," alisema Pacome
Kesho Jumanne, uongozi wa Yanga utatoa taarifa ya uchunguzi wa kitabibu kuhusu majeraha aliyopata pamoja na beki wa kulia Yao Kouassi
Yanga imerejea Avic Town kuanza maandalizi ya mchezo wa robo fainali ligi ya mabingwa dhidi ya Mamelodi Sundowns utakaopigwa Jumamosi March 30
