Mnara wa 5G umeinuka Azam Complex leo Yanga ikiifumua Ihefu Fc mabao 5-0 katika mchezo wa ligi kuu ya NBC
Hii ilikuwa mechi ya kisasi na kwa hakika kisasi kimelipwa! Stephane Aziz Ki leo ndiye aliyebeba ramani ya ushindi huo akitoa pasi tatu za mabao huku mwenyewe akifunga pia
Bao la kwanza lilifungwa Pacome Zouzoua katika dakika ya 9 akimalizia pasi ya Aziz Ki
Mudathir Yahya akaweka chuma ya pili katika dakika ya 30 bao likitengenezwa na Aziz Ki
Yanga ikaenda mapumziko ikiwa mbele kwa mabao mawili. Kipindi cha pili Wananchi wakahesabu chuma ya tatu kupitia kwa Aziz Ki dakika ya 68 kabla ya Augustine Okrah kufunga kamba ya nne kwenye dakika ya 84 akimalizia pasi mpenyezo kutoka kwa Aziz Ki
Bao la tano likawekwa kimiani na Maxi Nzengeli katika dakika ya 85, bao ambao hata hiyo ilionekana mshika kibendera hakumsaidia vyema mwamuzi kwani shuti la Nzengeli liligonga mwamba wa juu na kushuka chini lakini picha za marudio zinaonyesha mpira haukuvuka mstari
Ni zile nyakati ambazo waamuzi nao wanafanya makosa kwa kuwa nao ni binadamu. Kama kungekuwa na usaidizi wa VAR, pengine bao hilo lisingehesabiwa
Ni ushindi muhimu kwa Yanga ambao unazidi kuwaimarisha kileleni mwa msimamo wa ligi alama 49 kibindoni
