Meneja wa Habari na Mawasiliano wa Yanga, Ali Kamwe, hali yake ni nzuri na anatarajiwa kuruhusiwa leo kurejea nyumbani kutoka katika Hospitali ya Aga Khan ambako alilazwa tangu jana
Daktari wa Yanga SC, Moses Etutu amesema Kamwe anaendelea vema na muda wowote anatarajiwa kupewa ruhusa
"Anaendelea vizuri na muda huu tupo kwenye mchakato wa kuruhusiwa, japo ataendelea kuja hospitali kwa ajili ya kuendelea na vipimo" amesema Dkt. Etutu
Kamwe alipata changamoto ya kiafya jana katika dimba la Benjamin Mkapa wakati timu yake ikiichakaza CR Belouizdad na kukimbizwa hospitalini
Kilichomkumba Kamwe ni aina ya matukio ambayo hutokea hasa pale furaha au huzuni inapozidi
Bao la nne la Yanga liliibua shangwe isiyohimilika miongoni mwa Wananchi akiwemo Kamwe ambaye nje ya kuwa kiongozi, ni shabiki 'lialia' wa Yanga
