Mabingwa wa kihistoria Tanzania Yanga leo wanatupa karata muhimu katika mchezo wa ligi ya mabingwa dhidi ya CR Belouizdad
Mechi hiyo ya raundi ya tano kundi D, itapigwa uwanja wa Benjamin Mkapa kuanzia saa 1 usiku
Dakika 90 za mchezo huo zitaamua hatma ya mkakati wa Yanga kuwania tiketi ya kufuzu robo fainali ya michuano hiyo
Baada ya Medeama kupoteza mchezo dhidi ya Al Ahly jana, ushindi mnono kwa Yanga leo unaweza kuwavusha hatua ya robo fainali moja kwa moja kabla ya mechi ya mwisho dhidi ya Al Ahly
Wananchi wanahitaji ushindi wa angalau mabao 4-0 ili kutinga robo fainali. Ushindi mwingine wowote bado utakuwa na faida kwa Yanga lakini ili kujihakikishia kutinga robo fainali, Yanga itahitaji angalau alama moja katika mchezo wa mwisho
Hivyo ni wazi Yanga leo itahitaji kupambana ili kumaliza kazi hapahapa nyumbani kwani mechi ya mwisho dhidi ya Al Ahly ni ugenini
Leo matarajio ni kuona 'full house' kwa Mkapa na muhimu ni mashabiki kuhakikisha wanashangilia kwa dakika zote 90 za mchezo
Kama Belouizdad walishinda mabao 3-0 kwao, basi leo zamu yao 'kutaabika' pale Lupaso
Kila la kheri Wananchi, kila la kheri mabingwa wa nchi....!
