Klabu ya Yanga na Karimjee Mobility leo wamesaini Mkataba wa ushirikiano wa miezi 18 ambao utaishuhudia Yanga ikivuna Tsh Milioni 300
Rais wa Yanga Injinia Hersi Said amesema Karimjee Mobility kupitia kampuni ya Hero wanatengeneza na kusambaza pikipiki katika Mataifa zaidi ya 40
Kupitia makubaliano hayo, Yanga na Hero watakuwa washiriki wa kibiashara katika muda wote wa mkataba
"Leo tumeingia makubaliano na kampuni ya Karimjee Mobility kupitia kampuni ya Hero ambayo inatengeneza pikipiki na kusambaza. Kampuni ya Hero inatajwa kuwa kampuni namba 1 duniani kwa biashara hiyo. Kampuni hii kutoka India inafanya biashara mataifa zaidi ya 40. Young Africans SC itapata kiasi cha Tsh Milioni 300 kutoka kwenye mkataba huu katika kipindi cha miezi 18"
"Mkataba huu utaruhusu kwa matawi yetu ya Klabu kupata posho kwenye mauzo ya pikipiki hizo. Kwahiyo kila tawi linapaswa kuhakikisha biashara hii inakuwa kwa kasi. Hivyo basi kila mwananchi pikipiki yako ya kununua ni Hero na pikipiki ya kutumia ni Hero"
"Tuwahakikishie kampuni ya Hero kuwa sisi ni Klabu namba moja na tutahakikisha @heromototanzania ambao ni namba moja waendelee kubakia kuwa namba moja. Uwezo wa kuifanya Hero kuwa namba moja ni jukumu la kila Mwanachama wa Young Africans, hivyo kuanzia sasa bodaboda ni Hero," alisema Hersi
