Yanga vs CR Belouizdad kupigwa kwa Mkapa

Mchezo wa raundi ya tano makundi ya ligi ya mabingwa kati ya Yanga dhidi ya CR Belouizdad utapigwa uwanja wa Benjamin Mkapa

Ni baada ya Serikali kuruhusu uwanja huo utumike katika mechi za Kimataifa

Mtanange huo utapigwa Februari 23 Yanga ikihitaji ushindi ili kuweka hai matumaini ya kufuzu robo fainali ya michuano hiyo

Kabla ya kuja Tanzania, CR Belouizdad watachuana na Al Ahly Februari 16 mchezo wa kiporo ambao utapigwa huko Algeria

Kama Belouizdad watapoteza mchezo huu, basi ushindi kwa Yanga katika mchezo utakaofuata unaweza kutosha kuwapeleka robo fainali