Juzi mwanahabari kutoka Ghana Micky Jr alisambaza uvumi kwenye kurasa za mitandao ya kijamii akidai kuwa Yanga haikumtendea haki mshambuliaji Hafiz Konkoni
Konkoni amekanusha madai yote yaliyotolewa na Micky huku akisisitiza yeye bado ni mwajiriwa wa Yanga (ametolewa kwa mkopo) na hajawahi kutofautiana na uongozi wa Yanga katika suala la maslahi
"Mimi na uongozi wangu tunasikitika kuhusiana na uvumi unaoendelea kuhusu mimi na Yanga katika wiki za hivi karibuni"
"Nataka kusema kwa msisitizo kwamba, hakujawa na suala lolote la madai ya ada ya usajili au mimi kukataa kuondoka kwa mkopo ikiwa pesa haijalipwa"
"Nimejitolea kikamilifu kwa mwenendo wa klabu na bado niko kwenye mkataba na nimefurahia muda wangu na timu tangu nilipojiunga tangu siku ya kwanza"
"Hadithi zinazoenea kwa muda wa wiki chache ni uwongo mtupu na lazima zipuuzwe kwani mtu yeyote anayesambaza habari kama hizo anasababisha tu mvutano mbaya na hakuna zaidi," aliandika Konkoni kwenye kurasa ya mtandao wake wa kijamii
Mwanahabari huyo kutoka Ghana anafahamika kwa kutoa taarifa zenye mlengo hasi kuhusu klabu ya Yanga
Uongozi wa Yanga umepanga kumchukulia hatua kwa kusambaza taarifa zenye lengo la uchochezi, upotoshaji na kuibua sintofahamu miongoni mwa mashabiki na Wanachama wa Yanga
