Kocha Mkuu wa Yanga Miguel Gamondi leo anatarajiwa kutumia kikosi imara kuikabili APR katika mchezo wa robo fainali kombe la Mapinduzi utakaopigwa saa 2:15 usiku
Gamondi amefanya mabadiliko ya kikosi katika kila mchezo kwenye hatua ya makundi lakini leo atatumia silaha zake kamili
Katika Mkutano na Wanahabari jana, Kocha Msaidizi wa Yanga, Mussa Ndaw alisema leo ndio wanaanza rasmi kusaka ubingwa wa michuano hiyo
"Kesho (leo) tutaingia na kikosi bora zaidi, tutaingia kiushindani zaidi, kwetu sisi ushindani wa michuano hii ndio unaanza rasmi , wachezaji wote wako tayari," alisema
Jana Yanga iliwaagiza wachezaji wote waliokuwa mapumziko jijini Dar es salaam kuungana na wenzao Zanzibar
Khalid Aucho, Yao Kouassi na Pacome Zouzoua ni miongoni mwa wachezaji waliotarajiwa kutua Zanzibar
Aidha kuhusu kiungo mshambuliaji Augustine Okrah, nyota huyo huenda akaonekana dimbani kuanzia hatua ya nusu fainali baada ya afya yake kuimarika kufuatia majeraha aliyopata katika mchezo dhidi ya KVZ
Ndaw amesema wamefurahi kuona Okrah aliyesajiliwa na Yanga katika dirisha hili dogo ameimarika na mashabiki watarajie kumuona katika mechi zijazo baada ya hatua ya robo fainali
