Mshambuliaji wa Yanga Hafiz Konkoni hayuko visiwani Zanzibar na kikosi cha Yanga kinachoshiriki michuano ya kombe la Mapinduzi
Konkoni alikosa mechi mbili zilizopita dhidi ya Jamus Fc na Jamhuri na pengine anaweza kukosa mchezo wa leo dhidi ya KVZ
Licha ya mwenyewe kutoa ufafanuzi kuwa ana ruhusa ya uongozi ili kushughulikia masuala binafsi, uongozi wa Yanga uko kwenye mazungumzo na mshambuliaji huyo raia wa Ghana na pengine huenda akatolewa kwa mkopo
Tayari Yanga imemsajili nyota mwingine raia wa Ghana Augustine Okrah na hivyo italazimika kukata jina moja la mchezaji wa kigeni
Mpaka sasa ni Konkoni pekee ambaye hajacheza mechi yoyote visiwani Zanzibar miongoni mwa nyota wa kigeni waliokuwa kwenye hatihati ya kuenguliwa
Winga Jesus Moloko alicheza mechi iliyopita, Skudu alipata nafasi katika mechi zote mbili wakati Gift Fred akiwa mchezaji tegemeo katika safu ya ulinzi
Konkoni ameshindwa kumshawishi kocha Miguel Gamondi akifunga mabao mawili pekee katika mashindano yote tangu alipotua Yanga
