Bandari, URA zavuruga makundi Mapinduzi Cup

Baada ya klabu za Bandari Fc na URA kujitoa katika michuano ya kombe la Mapinduzi inayoanza Alhamisi visiwani Zanzibar, mabadiliko yamefanyika katika makundi

Kulingana na ratiba mpya iliyotolewa, klabu za JKU (Zanzibar) na Jamus Fc (Sudan Kusini) zimeongezwa kuchukua nafasi za URA na Bandari Fc

Jamus Fc imeingia kundi C ikiungana na Yanga, Jamhuri na KVZ wakati JKU imeingia kundi B lenye timu za Simba, APR na Singida BS

Bingwa wa michuano hiyo ataondoka na kitita cha Tsh Milioni 100 ikiwa ni ongezeko la Milioni 50 zaidi ya zawadi aliyopata bingwa msimu uliopita

Yanga inatarajiwa kuelekea visiwani Zanzibar Disemba 30, 2023 ambapo mchezo wa kwanza ni Disemba 31 dhidi ya Jamhuri