Wakati dirisha dogo la usajili likiwa liko wazi, Meneja wa Habari na Mawasiliano klabu ya Yanga Ali Kamwe ametamba kuwa Wananchi wahesabu siku saba kuanzia leo, watatambulisha usajili wa mchezaji mkubwa barani Afrika
Kamwe ametamba ni usajili wa mchezaji ambaye sio mgeni machoni mwa Watanzania, usajili huo utapeleka furaha Jangwani lakini itakuwa ni simanzi kwa wengine
"Baada ya siku saba tunakwenda kuitikisa sio Tanzania tu, bali Afrika nzima. Ni siku saba zenye sintofahamu kubwa, watu wataulizana, watu watashikana mashati na wengine watakimbizana"
"Huyu mchezaji pia hata wewe unamfahamu, ni mchezaji mkubwa ambaye sio mgeni kwenye macho yako. siku hizi saba zinazofuatia mtakwenda kufurahi Wanayanga"
"Ni siku saba za majuto, siku saba za sintofahamu, siku saba zilizokusanya kilio, majonzi na sintofahamu kubwa," alitamba Kamwe
