Mpaka sasa unaweza kusema kiungo mshambuliaji Pacome Zouzoua ndio mchezaji bora wa Yanga katika michuano ya ligi ya mabingwa barani Afrika baada ya mechi tatu za hatua ya makundi
Yanga imepachika mabao mawili katika mechi hizo na yote yamefungwa na Pacome ambaye aliibuka na tuzo ya mchezaji bora wa mwezi (NIC Player of the Month) Novemba 2023
Pacome ameingia mara tatu katika kikosi bora cha wiki cha CAF kwa maana amekuwa mchezaji bora katika kila mechi
Bao lake alilofunga katika mchezo dhidi ya Al Ahly lilikuwa bao bora la wiki la CAF huku bao alilofunga katika mchezo dhidi ya Medeama likitajwa miongoni mwa mabao yanayowania tuzo hiyo katika wiki ya tatu
Katika orodha ya vinara wa kupachika mabao, Pacome anashika nafasi ya pili nyuma ya Sankara Karamoko wa Asec Mimosas aliyefunga mabao matatu
Yanga pia inahusishwa kumuwania Karamoko ambaye msimu uliopita alicheza na Pacome, Yao Kouassi katika kikosi cha Asec
Kwa hakika ni mwanzo mzuri sana kwa Pacome aliyetua katika dirisha la usajili lililopita
