Mashabiki wa Yanga wana shauku ya kumuona dimbani kiungo mshambuliaji Farid Mussa ambaye wakati mwingine hutumika kama mlinzi wa kushoto
Msimu haujaanza vyema kwa Farid, majeruhi imekuwa sababu ya kutoonekana kwake uwanjani mara kwa mara. Katika Ligi Farid amecheza mechi moja tu dhidi ya KMC kwa takribani dakika 26
Akiwa amepona majeraha, Farid amesema ana kazi ya kupambana kurejea kikosi cha kwanza kutokana na ushindani uliopo
"Nilikua nje kwa muda kidogo kutokana na majeraha lakini nafurahiu nimepona na nimerejea kuipambania timu yangu"
"Natambua ugumu wa kupata nafasi kutokana na ubora wa kikosi lakini sijakata tamaa nitapambana kuhakikisha napata nafasi ya kucheza ili kuwa miongoni mwa wachezaji ambao wameipa mafanikio timu japo sio rahisi lakini inawezekana"
"Mimi nacheza nafasi nyingi uwanjani lakini ukiangalia zote zina watu wazuri na wote wana mchango mkubwa kwenye timu kazi kwangu kuhakikisha napambana ili kupata nafasi," alisema Farid
Mabadiliko ya mfumo wa uchezaji yaliyofanywa na kocha Miguel Gamondi huenda yakawa yamechangia kupunguza nafasi kwa baadhi ya wachezaji akiwemo Farid
Kwa sasa Yanga haitumii mawinga asilia, viungo washambuliaji watatu (Maxi, Aziz Ki na Pacome) wakitumika
Upande wa safu ya ulinzi wa kushoto Mcongomani Joyce Lomalisa amekuwa na msimu bora na hivyo sio rahisi kwa Gamondi kumuweka nje anapokuwa yuko 'fit'
