Rais wa Yanga Injinia Hersi Said amethibitisha kuwa kwenye dirisha dogo ambalo litafunguliwa Disemba 15, kutakuwa na maingizo mapya kwa ajili ya kuboresha maeneo yenye changamoto
Tayari Yanga kwa kushirikiana na benchi la ufundi wamebaini nafasi zinazohitaji kuboreshwa, safu ya ushambuliaji na kiungo ni miongoni
Mshambuliaji Hafiz Konkoni yuko katika wakati mgumu kwani ameshindwa kulishawishi benchi la ufundi
Yanga huenda ikarejea tena kwa Ranga Chivaviro ambaye walimkosa dakika za mwisho kwenye dirisha la usajili lililopita baada ya Kaizer Chiefs kuingilia
Yanga pia inasaka kiungo mkabaji ili kuongeza nguvu eneo hilo ambalo kwa sasa Mganda Khalid Aucho ndiye anayetegemewa zaidi
Katika moja ya mahojiano aliyofanya karibuni, Hersi alisema wanahitaji kufanya maboresho ili kukabiliana na changamoto ya kushiriki michuano mingi
"Hivi karibuni tunaanza hatua ya makundi ya ligi ya mabingwa, tunahitaji kuongeza nguvu katika baadhi ya maeneo. Pia tunatarajia ugumu wa ratiba kutokana na ushiriki wetu kwenye michuano mbalimbali"
"Tunafanya kazi kwa ukaribu na benchi la ufundi kuhakikisha tunafanya maboresho ambayo yatakwenda kutuongezea makali zaidi," alisema
