Baada ya ushindi wa bao 1-0 dhidi ya Coastal Union jana katika mchezo wa ligi kuu ya NBC, Yanga inarejea Dar kuanza mawindo ya hatua ya makundi Ligi ya Mabingwa barani Afrika
Kutakuwa na mapumziko ya takribani wiki mbili kupisha mechi za Kimataifa zilizo kwenye kalenda ya FIFA na baada ya mapumziko hayo, mechi za hatua ya makundi ya Ligi ya mabingwa zitaanza
Yanga ambayo iko kundi D, itaanzia ugenini nchini Algeria Novemba 25 kwa mchezo dhidi ya Mabingwa wa Algeria CR Belouizdad
Baada ya mchezo huo Yanga itarejea jijini Dar es salaam kuumana na mabingwa watetezi Ligi ya Mabingwa Al Ahy, mchezo ukipigwa Disemba 02 katika uwanja wa Benjamin Mkapa
Ni bandika bandua, kwani baada ya mchezo huo Yanga itasafiri nchini Ghana kuwakabili mabingwa wa Ghana, Medeana Fc katika mchezo raundi ya tatu hatua ya makundi
Disemba 16 Yanga itarejea kwenye mikiki mikiki ya Ligi Kuu kwa mchezo dhidi ya Mtibwa Sugar ambao utapigwa uwanja wa Azam Complex kabla ya kurudiana na Medeama Disemba 20
